നൂൽപ്പുഴ
ഗ്രാമപഞ്ചായത്ത്

കേരള സംസ്ഥാന സാക്ഷരതാ മിഷൻ അതോറിറ്റിയുടെ ആഭിമുഖ്യത്തിൽ നൂൽപ്പുഴ ഗ്രാമപഞ്ചായത്തിൽ നടപ്പിലാക്കുന്ന “തുല്യതാകോഴ്‌സ്” പദ്ധതിയിലേക്ക് രജിസ്ട്രേഷൻ ആരംഭിച്ചിരിക്കുകയാണ്. വിദ്യാഭ്യാസം പൂർത്തിയാക്കാൻ സാധിക്കാതിരുന്നവർക്കും പഠനം മുടങ്ങിയവർക്കും വീണ്ടും പഠനത്തിലേക്ക് മടങ്ങിയെത്താനുള്ള മികച്ച അവസരമാണ് ഈ പദ്ധതി ഒരുക്കുന്നത്. സാക്ഷരതാ മിഷന്റെ കീഴിൽ നടപ്പിലാക്കുന്ന നാൽ, എയ്ഡ്, പത്ത്, ഹയർസെക്കൻഡറി തുല്യതാ കോഴ്‌സുകളിലേക്കാണ് അപേക്ഷ ക്ഷണിച്ചിരിക്കുന്നത്. സമൂഹത്തിലെ എല്ലാ വിഭാഗങ്ങൾക്കും വിദ്യാഭ്യാസ സമത്വം ഉറപ്പാക്കുക, വ്യക്തികളുടെ അറിവും ആത്മവിശ്വാസവും വർധിപ്പിക്കുക, തൊഴിൽ സാധ്യതകളും സാമൂഹിക മുന്നേറ്റവും കൈവരിക്കാൻ സഹായിക്കുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ. 18 വയസ്സിന് മുകളിലുള്ള പഠനം നിർത്തിയവർക്കും വിദ്യാഭ്യാസ യോഗ്യത മെച്ചപ്പെടുത്താൻ ആഗ്രഹിക്കുന്നവർക്കും ഈ അവസരം പ്രയോജനപ്പെടുത്താം. രജിസ്ട്രേഷൻ 2026 മെയ് 5 മുതൽ 25 വരെ നടത്തപ്പെടുന്നതാണ്. ഫൈനോടുകൂടി അപേക്ഷിക്കുന്നവർക്ക് മെയ് 26 മുതൽ ജൂൺ 4 വരെയും, ജൂൺ 5 മുതൽ ജൂൺ 15 വരെയും അപേക്ഷ സമർപ്പിക്കാം. പഠനത്തിനൊപ്പം വ്യക്തിത്വ വികസനം, സാമൂഹിക ബോധവൽക്കരണം, ജീവിത നിലവാര ഉയർച്ച, തൊഴിൽ സാധ്യത വർധനം എന്നിവയ്ക്കും തുല്യതാ വിദ്യാഭ്യാസം സഹായകരമാകുന്നു. ഗ്രാമപഞ്ചായത്തിന്റെ നേതൃത്വത്തിൽ നടപ്പിലാക്കുന്ന ഈ പദ്ധതി പൊതുജനങ്ങളിൽ മികച്ച വിദ്യാഭ്യാസ ബോധവൽക്കരണം സൃഷ്ടിക്കുമെന്നും സാമൂഹിക പുരോഗതിക്ക് വഴിയൊരുക്കുമെന്നും പ്രതീക്ഷിക്കുന്നു. കൂടുതൽ വിവരങ്ങൾക്ക് 97477 09392, 75598 31971 എന്നീ നമ്പറുകളിൽ ബന്ധപ്പെടാവുന്നതാണ്.